Meer inligting oor Strandwoonstelle by Dwarswegstrandoord
- Dwarswegstrandoord het oorspronklik vierslaapkamer huise gehad wat later opgedeel is in eenslaapkamer-woonstelle en twee- of drieslaapkamerhuise.
- Daar is 9 eenslaapkamer-woonstelle.
- W1A – W6A het aangrensende tweeslaapkamer huise. W7A, W10A en W11A is elkeen aangrensend aan ‘n 3-slaapkamerhuis.
- W1A – W3A is elk toegerus met 2 enkelbeddens.
- W4A – W7A, W10A en W11A het elk ‘n dubbelbed.
- Al die eenhede het ‘n badkamer met ‘n stort, wasbak en toilet.
- Die eenhede het ‘n oopplan kombuis en sitkamer wat uitloop op die stoep aan die seekant met ‘n lieflike onderdakbraai.
- Die kombuis is toegerus met ‘n ketel, mikrogolfoond, yskas/vrieskas, induksieplaat en ‘n elektriese broodrooster.
- Daar is breekware en eetgerei asook ander basiese kombuisware.
- Elke woonstel het ‘n televisie met DSTV Business Stay Essential pakket
Neem asseblief kennis dat handdoeke nie voorsien word nie. Enige ekstras moet self saamgebring word.
Hoe om ‘n bespreking te maak
Kyk na die kaart hieronder en besluit watter strandwoonstel u graag sal wil bespreek. Gaan kyk dan gerus na die betrokke woonstel vir meer inligting.
U kan telefonies, per e-pos of aanlyn bespreek. Sodra u die besprekingsdokumentasie ontvang, het u 48uur om die deposito te betaal om u bespreking te bevestig. Indien betaling nie geskied nie, sal die bespreking gekanselleer word. Die balans moet 7dae voor aankoms vereffen word.
Let wel dat besprekings vir die hoogseisoen deur middel van aanlynbespreking- stelsel hanteer word (sien datums op die tarieflys). Met aanlynbesprekings is ’n 40% deposito onmiddelik betaalbaar om u bespreking te verseker. Die balans vir hoogseisoen besprekings is betaalbaar teen die einde van Oktober.
GEEN TROETELDIERE WORD TOEGELAAT NIE!
Geen instandhoudingswerkers sal toegelaat word om van die akkommodasie-geriewe gebruik te maak terwyl hulle aan ‘n projek by die oord of op ‘n ander plek werk nie.
Aankomstyd: 14:00 Vertrek Tyd: 10:00
Gaste kan ‘n versoek rig aan die kantoor om vroeër te arriveer of later te vertrek, teen ‘n addisionele fooi van R100 per huis of R 60 per kampplek, afhangende van beskikbaarheid.