Woonwapark

Meer inligting oor die Woonwapark by Dwarswegstrandoord

Die karavaanpark is teen die strand geleë en beskik oor 34 staanplekke waarvan 28 geplavei is.

Elke staanplek het sy eie braai (bring asseblief u eie braairooster) en 15-ampère driepuntkragpunt.

Die karavaanpark het ook ‘n opwaskamer, wasmasjiene, tuimeldroërs en strykplanke (bring asseblief u eie strykyster).

Maksimum van 6 mense (insluitend kinders en babas) en 1 voertuig per staanplek word toegelaat.

Slegs grondseile van net word toegelaat.

Wi-Fi word tans deur ‘n derde party verskaf teen uiterse billike pryse.

Hoe om ‘n bespreking te maak

Kyk na die kaart hieronder en besluit watter staanplek u graag sal wil bespreek. Gaan kyk dan gerus na die betrokke woonstel vir meer inligting.

U kan telefonies, per e-pos of aanlyn bespreek. Sodra u die besprekingsdokumentasie ontvang, het u 48uur om die deposito te betaal om u bespreking te bevestig. Indien betaling nie geskied nie, sal die bespreking gekanselleer word. Die balans moet 7dae voor aankoms vereffen word.

Let wel dat besprekings vir die hoogseisoen deur middel van aanlynbespreking- stelsel hanteer word (sien datums op die tarieflys). Met aanlynbesprekings is ’n 40% deposito onmiddelik betaalbaar om u bespreking te verseker. Die balans vir hoogseisoen besprekings is betaalbaar teen die einde van Oktober.

GEEN TROETELDIERE WORD TOEGELAAT NIE!

Geen instandhoudingswerkers sal toegelaat word om van die akkommodasie-geriewe gebruik te maak terwyl hulle aan ‘n projek by die oord of op ‘n ander plek werk nie.
Aankomstyd: 14:00 Vertrek Tyd: 10:00

Gaste kan ‘n versoek rig aan die kantoor om vroeër te arriveer of later te vertrek, teen ‘n addisionele fooi van R100 per huis of R 60 per kampplek, afhangende van beskikbaarheid.